Isang babae ang namatay noong Miyerkules ika-29 ng Pebrero 2012, ng bumagsak ito mula sa isang talampas sa Batangas. Ang nasabing babae ay kinilalang si Diana Urbano Fajardo, edad 27, Manager ng Tokyo-Tokyo Restaurant sa SM Taytay Rizal.
Si Fajardo ay umakyat ng MT. Batulao sa Sitio Malusak, Brgy. Kaylaway, Nasugbu, kasama ang limang iba pa, noong Miyerkules alas onse imedya ng umaga (11:30am). Nawalan siya ng kontrol at nahulog habang kumukuha ng mga larawan sa halos 250 talampakan ng Peak 8, MT. Batulao. Bumagsak sa mabatong bahagi ng bundok na naging sanhi ng kanyang pagkamatay. - sabi ni superintendente Renato Mercado, Nasugbu police chief.
Pinagmulan:Inquirer News/GMAnews
